AF268: 65v

Serdār Muṣṭafā Paşa Şirvāndan ʿavdet ėdüb Erżurūma vāṣıl olduqlarında aṣḥāb‑i devlete irsāl ėtdügi fetḥ‑nāmenüñ ṣūretidür // cenāb‑i seʿādet‑meʾāb celālet‑niṣāb rıfʿat‑intisāb ḥażret‑i Paşa‑yi kāmbīn ü kāmyāb
şiyetu [?] llāhu taʿālā bünyān rıfʿatehū vü devletehū vü ʿizzetehū ilā yevmi l‑baʿs̱ ve l‑cevāb // mā‑dām‑ki aṣḥāb‑i rimāḥ‑i ġazā bi‑ʿināyeti llāhi taʿālā ʿarṣa‑i neber[d] ü heycāda ceng‑efgen ü ṣaff‑küşā ola selām‑i teḥīyet ü duʿā // her ṣubḥ u mesā qarīn‑i livā‑yi ḥamd u s̱enā qılınub envāʿ‑i ṣīt ü vilā birle mehdī vü müʾeddī żamīr‑i münīr‑i mekremet‑meʾāba inhā‑yi // muḥibb‑i bī‑riyā oldur ki bundan aqdem māh‑i Cemāẕīyü l‑āḫirüñ altıncı güni ki yevmü l‑aḥaddur Çıldır ṣaḥrāsında vāqiʿ olan // furṣat u nuṣretüñ şükr‑i bī‑nihāyetiyle göçilüb menzil be‑menzil qalʿe‑i Tiflīse gelinüb ḥażret‑i ḥaqquñ ʿināyeti ve Resūl‑i ekrem // ṣallā llāhu ʿaleyhi ve‑sellem ḥażretlerinüñ muʿcizāt‑i bī‑nihāyeti ve seʿādetlü pādişāh‑i ʿālem‑penāh ḥażretlerinüñ himmet ü kerāmeti berekātında // qalʿe‑i Tiflīs temām‑i fetḥ ü tesḫīr olınub begler begisi ve sāyir levāzımı görilüb eyyām‑i seʿādet‑i pādişāhīde itmāma // ėrişdürüldükden ṣoñra Şīrvān ṭarafına ʿazīmet olınub tā Nūşīrvān zemānından berü mālik‑i mülk‑i Gürcistān olan Levend oġlı ülkesinden ḫān ki bu zemāna gelince kimseye baş egmemiş idi ve Şāh Ṭahmāsbuñ qaynı [?] [...] iken // yine teklīf‑ile tāc giymemiş iken bi‑ʿināyeti llāhi taʿālā daʿvet olunduqda bu ḥaqīre gelüb bulışub seʿādetlü pādişāhumuzuñ // dergāhına iṭāʿat ve şāh cānibinden döndürilüb ʿasker‑i ẓafer‑rehbere mütābeʿat ėtdürildükden ṣoñra menzil be‑menzil Şīrvān // serḥaddine varılub işbu [?] māh‑i Recebü l‑müreccebüñ altıncı güninde Qanıq ṣuyı nām nehr kenārında qonulduqda tekrār Qızılbaş‑i //evbāş cānibinden yigirmi biñ yarar ʿaskerle Emīr Ḫān nām vezīri ve baʿżı mīrzāları qarşu gelüb leşker‑i ẓafer‑rehberden // bir qaç qaṭar ve deve sürüb furṣat bizümdür dėyü gendülerin görüb gitdüklerinde bu bī‑iqtidārları ḫaber‑dār olub // fī l‑ḥāl begler begiler muḫliṣleri gönderilüb Qābūr ṣuyı ile Kür ṣuyı mā‑beyninde muḥkem ceng ü cidāl vāqiʿ olub // quşluq zemānından yatsu ezānına dek ḥarb u qıtāl eyledüklerinde ḥikmet Allāhuñdur bizüm leşker‑i muẓaffer ü manṣūr // ve ol mülḥidler ve müfsidler her cihet‑ile maqhūr olub bir qaç ḫānları ve sultānları [!] ve biri [?] alınub bu bunları urulduqdan [?] // ġayri bir qaç daḫı qaçarken ṣuya ġarq olub ve bi l‑cümle bir iki biñ qılıcdan geçüb ve beş altı biñi ṣuya ġarq olub // ḥaqq subḥānehu ve taʿālā ol rāfıżīlerüñ bir vech‑ile cezāların vėrmişdür ki daḫı bir zemānda vāqiʿ olmış degüldür ve bu // muḫliṣleri ʿasker‑i islāmla Qanıq ṣuyın geçüb Şīrvān vilāyetlerinde evvelā şekl‑i tām şehri vü nāḥīyelerin fetḥ ėdüb // baʿdehū [...] dėdükleri şehrler‑ki şāh‑i gümrāhuñ gendü ḥāṣīl [!] idi murād üzre fetḥ ü tesḫīr ėdüb baʿdehū // [...] ki ol vilāyetüñ [...]gāhı ve Şīrvān pādişāhlarınuñ taḫtgāhı idi anı daḫı fetḥ ėdüb